Proarabatic

Hezkuntza, Unibertsitate eta Ikerketa Saila hezkuntza berriztatzeko proiektuak bultzatzen ari da unibertsitateaz kanpoko ikastetxeetan, bai berariazko deialdien bitartez, bai eta zuzenean jarduerak proposatuz ere, aldaketak egiteko, eta, horrela, ikastetxe horietako irakaskuntza eta antolaketa hobetzeko.

Lehentasunezko jarduera-lerroen barruan —zehazki 2007-2010 hirurtekorako IKT programaren barruan—, eta i2010 Europako ekimenak eta hezkuntza arloko Lisboako estrategia kontuan hartuta, Hezkuntza Berriztatzeko Zuzendaritzak hezkuntzako eragile guztiak bitarteko digitalez balia daitezen lortu nahi du, eta, horrez gain, bitarteko digitalen erabilera bultzatu nahi du ikastetxeetako pedagogia- eta administrazio-kudeaketan.
Ildo horretatik, Hezkuntza, Unibertsitate eta Ikerketa Sailak beharrezko jarduera guztiak bultzatuko ditu 2007-2008 ikasturtean, Lehen Hezkuntzako eta Bigarren Hezkuntzako ikastetxe publikoek “IKT ikastetxe-ereduaren” ziurtagiria eskura dezaten.
Horretarako, ekintza hauek egingo dira:

• Ikastetxearen Heldutasun Teknologikoaren Eredua egingo da, ikastetxe bakoitzaren egoera aztertzeko, etapaz etapa.
• Irakasleen profila zehaztuko da, aro digitaleko hezkuntza-errealitate berrira egokitzeko.
• Ekintza-plana diseinatuko da, ikastetxe bakoitzak zehaztutako heldutasun teknologikoko maila eta ziurtagiria eskuratzeko.