Egilea: AURORA MÉNDEZ

E-posta:

Arloa: INGURUNEA

Maila: 2. ZIKLOKO 2. MAILA

SARRERA

Kaixo! “Krabelin Gorritxo” nauzue.
Lorezaina izan nahiko nuke.
Esan didatenez, lanpostu hori lortzeko azterketa bat gainditu beharko nuke.
Hori dela eta, azterketa hori prestatzeko eta erraztasunez gainditzeko, ondorengo lana egin behar dut. Zuen laguntza eskatzeko beharrean nago.
Prest zaudete?

Ikus dezagun zer dakizuen galdeketa bati erantzunak emanez. Horretarako egin klik irudi honetan

ATAZA

Ikerketa baten bitartez landareei buruzko hainbat datu jakin eta gero, galdeketa bati erantzunak eman behar dizkiogu; horrez gain zenbait ekintza burutu beharko dugu.

Ondorengo galderak inprimatu behar dituzue; honela egin beharko duzuen lanaren gidoia aurrean izateko aukera izango duzue eta zuen lanaren plangintza zehaztu ahal izango duzue errazago.

v     Zer da sustraia ? (Definizioa eman)

v     Zertarako balio dio landareari ?

v     Zeintzuk dira sustraiaren osagarri garrantzitsuenak ?

v     Nola sailkatzen dira landareen sustraiak? Sailkapena egin.

v     Zer da zurtoina ? (Definizioa eman)

v     Zertarako balio dio landareari ?

v     Nola sailkatzen dira landareak zurtoinak aintzat hartuta? Sailkapena egin. Hemen klik egiten baduzue eskema bat agertuko zaizue. Bete ezazue. 

v     Zer da hostoa? (Definizioa eman)

v     Zertarako balio dio landareari ? (Funtzioak)

v     Zeintzuk dira hostoaren osagarri garrantzitsuenak ?

v     Animalia batek aparatu batzuk (arnas aparatua, liseri aparatua, iraitz aparatua, lokomozio aparatua...) baditu. Zeintzuk ote dira landareen hostoetan daudenak? Ea irudi adierazgarriren bat  aurkitzen duzun hori azaltzeko.

v     Zer da lorea? (Definizioa eman)

v     Landare guztiek ba al dute lorerik? Ahal baduzu, azaldu eskema txiki baten bitartez.

v     Zeintzuk dira lorearen osagarri garrantzitsuenak?

v     Nekazariek zein baserritarrek haziak erabiltzen dituzte lur soroetan jakiak lortzeko.    Baina ereiten dituztenetik uzta biltzen duten arte lan handiak eta ezberdinak egin behar dituzte. Azalduko dizkiguzue zeintzuk diren eta zertan datzan betebehar bakoitza ? Informazioa lortzeko klikatu irudi honen gainean

PROZESUA

Lana burutu ahal izateko hurrengo pausuak eman behar ditugu:
1. Dagokizuen ariketa irakurri ondo. Erabaki behar duzue zenbat diapositiba egingo dituzuen galdera guztiei erantzuna emateko.

2. Badakizue zer den egin behar duzue? Ba...,  “Power Point” ireki aurkezpena prestatzen hasteko, eta eduki beti zabalik, minimizatuta.

3. Ariketaren beheko aldean dauden hiperesteka erabili informazioa aurkitzeko, eta, agertu ahala, kopiatu eta itsatsi komandoekin, diapositibetara eraman. Gero ordenatu eta apain jarriko dituzue.

4. Laguntza behar baduzue eskatu irakasleari edo zure ikaskideren bati.

5. Ez ahaztu noizbehinka eginiko lana gorde behar duzuela.

6. Ongi egin eta asko ikasi!

BALIABIDEAK

Ikasleok!

 Ondorenean daukazuen taula horretan behar duzuen informazioa aurkitzeko hainbat web orrien helbide duzue. Horietako batzuk berdez margotuta agertzen dira egokienak direlako, beste batzuk arrosaz landareen katalogoak direlako eta besteak jakinmina asetzeko jarri dizkizuegu.

EBALUAZIOA

  “Power Point” programa era egokian erabili baduzue .... 0 – 2 puntu  ......................................

  Egindako lana argi ikusten bada eta ulergarria bada ........0 – 2 puntu  .....................................

  Eskatutako informazioa behar den bezala eta behar den bestekoa bada .... 0 – 5 puntu .......

  Lana burutu duzue? Horrela bada  ba.....0 – 1 puntu .................................................................

  Guztira atera duzun puntuazioa .................................................................

ONDORIOAK

Esperientzia laburbildu, egindakoa eta prozesua nola burutu den denon artean hausnartu.

KREDITOAK

Webquest hau egiteko erabili diren irudi, testu edo soinuak nondik hartu diren, iturriak, zerrendatu, eta estekak sortu elementu horiek dauden jatorrizko orrietara joateko. Baliabide hauek, edo edozein laguntza, eskaini dutenei eman eskerrak. Adibidez: :

-The WebQuest Page at San Diego State University: http://webquest.sdsu.edu/
-Aula Tecnológica Siglo XXI: www.aula21.net
-Páginas dispersas: fresno.cnice.mecd.es/~avaler3